Република Сербия
Автономна покраїна Войводина
Општина Вербас
Општинска управа општини Вербас
Число: 013-1/23/2023-IV/03
Дня: 02.11.2023. року.
ВЕРБАС

На основи члена 14. и 15. Закона о єдинственим виберацким списку („Службени глашнїк Републики Сербиї“, число 104/2009 и 99/2011) точки  10. Упутства за запровадзованє Закона о єдинственим виберацким списку (''Службени глашнїк РС”, бр. “, число 15/2012, 88/2018, 67/2020, 40/2021, 90/2021 и 16/2022) и Одлуки о розписованю виберанкох за народних посланїкох  („Службени глашнїк Републики Сербиї“, число 95/2023), Општинска управа Вербас,  в и д а в а  шлїдуюце

О Б В И С Ц Е Н Є

ОБВИСЦУЄ ШЕ виберачох у општини Вербас же часц єдинственого виберацкого списку за запровадзованє виберанкох за народних посланїкох виложени на увид у канцелариї число 9 у будинку

Општинскей управи општини Вербас, у улїци Маршала Тита число 89, та МОЖУ ОКОНЧИЦ УВИД ДО ВИБЕРАЦКОГО СПИСКУ И ГЛЄДАЦ УПИС, СЦЕРАНЄ, ВИМЕНКУ, ДОПОЛНЄНЄ АБО ВИПРАВКУ ВИБЕРАЦКОГО СПИСКУ.

Увид до виберацкого списку гражданє можу окончиц и на електронски способ на урядовим  интернет боку: https://upit.birackispisak.gov.rs з уношеньом податкох о єдинственим матичним числу гражданох.

Право же би виберал народних посланїкох ма полнолїтни, роботно способни державян Републики Сербиї хтори ма место биваня на подручу виберанковей єдинки у хторей витворює виберанкове право.

На основи Одлуки о розписованю виберанкох за народних посланїкох  („Службени глашнїк Републики Сербиї“, число 95/2023), виберанки за народних посланїкох  отримаю ше дня 17. децембра 2023. року.

До виберацкого списку ше у складзе зоз Законом уписує граждан хтори наполнєл 18 роки живота, хтори роботно способни и хтори ма место биваня на подручу виберанковей єдинки у хторей витворює свойо виберанкове право.

Кажди граждан може орґану компетентному за водзенє виберацкого списка поднєсц вимогу за упис, сцеранє, вименку, дополнєнє або виправку виберацкого списка кед вон або други нє уписани до виберацкого списку або є уписани а нєма виберанкове право або нєма виберанкове право на подручу општини у хторей є уписани до виберацкого списку або кед даєден з податкох з виберацкого списку нє правилно уписани. Попри вимоги приклада ше потребни докази. Вимоги ше подноша у шедзиску Општинскей управи општини Вербас,  кажди роботни дзень и всоботу од 7 по 15 годзин.

Гражданє можу од розписованя виберанкох за посланїкох до Скупштини Автономней покраїни Войводини, по найпознєйше пейц днї скорей заключеня виберацкого списку 25.11.2023. року поднєсц вимогу же би ше до виберацкого списку уписало податок же на предстояцих виберанкох будзе гласац по месту пребуваня на териториї општини Вербас (вибране место гласаня).

Виберацки список заключує ше найпознєйше 15 днї скорей дня отримованя виберанкох, односно  01.12.2023. року.

Ришеня на хторих ше засновюю пременки у виберацким списку приноши по заключенє виберацкого списка Општинска управа, а од заключеня виберацкого списка та аж по 72 годзини скорей виберанкох, односно по 13.12.2023. року по 24 годзин, Министерство державней управи и локалней самоуправи.

ОПШТИНСКА УПРАВА ОПШТИНИ ВЕРБАС
НАЧАЛНЇК,
Ивана Крезович