Явна поволанка
за приявйованє кандидатох за инструкторох
Републични завод за статистику упуцує явну поволанку шицким заитересованим кандидатом же би ше у периодзе од 24. юния (од 9.00 годзин) по 3. юлий 2022. року (по 20.00 годзин) приявели за роботу инструктора за потреби запровадзаня Пописа жительства, обисцох и квартельох 2022.
Заинтересовани кандидати ше можу приявиц виключно зоз пополньованьом електронскей прияви на веб-сайтох Републичнога завода за статистику www.stat.gov.rs и popis2022.stat.gov.rs.
Задатки инструктора
Инструктори маю обовязку буц пристни на пейцдньовей обуки, звладац методологию Пописа и роботу у апликацийох за зозберованє податкох и мониторинґ, запровадзац пейцдньову обуку кандидатох за пописивочох, и же би на териториї за хтору задлужени провадзели цек пописованя, контроловали роботу пописовачох хтори им додзелєни, давали им потребни упутства и помагали им у роботи и ришованю спорних ситуацийох у цеку пописованя. Єден инструктор, просеково, задлужени за мониторинґ роботи седем пописовачох.
Период анґажованя
од 23. авґуста по 31. октобра 2022. року
Надпомнуце: под час обуки кандидатох за пописовачох, пририхтованя за роботу на терену и у цеку теренскей реализациї Пописа, прерозподзельованє роботного часу ше коньчи у складе зоз Планом активносцох и може уключовац и роботу прейґ викенда.
Общи условия хтори кандидат треба же би виполнєл:
- державянство Републики Сербиї;
- пребувалїще або приявене пребувалїще у Републики Сербиї;
- найменєй 18 роки старосци у хвильки пополньованя прияви;
- здобуте найменєй штиророчне штреднє образованє;
- же є нє осудзовани за кару гарешта од найменєй шейсц мешаци, же процив кандидата нє порушане випитованє и же ше процив кандидата нє водзи виновни поступок.
Посебни условия хтори кандидат треба виполнїц:
- познаванє роботи на рахункару (MS Office, интернет) – предвидзене тестиранє кандидатох;
- можлївосц хаснованя власного рахункара и приступ интернету у цеку периода анґажованя.
Зоз вибранима кандидатами заключує ше:
- Контракт о дочасових и почасових роботох (нєзаняти особи, заняти особи зоз нєполним роботним часом, старосни пензионере) або
- Контракт о дополнююцей роботи (особа хтора занята зоз полним роботним часом при другому роботодавательови, односно чиї роботодаватель нє Република Сербия)
ВАЖНЕ НАДПОМНУЦЕ: Завод нє одвичательни за евентуалне траценє правох роботно анґажованей особи до чого може дойсц пре пременку його роботноправного статуса и витворйованя надополнєня за роботу (напр: претаргованє виплацованя фамелийней пензиї, надополнєнє за случай нєзанятосци и под.).
